أغاني نبض

كلمات الأغاني

تحيا سوريا


كلمات و ألحان : رامي الحمصي
توزيع : كارو دردريان

خبينا بالقلب الجرح و غنينا سوريا
و نزلت من العين الدمعة ما قدرنا نداريا
ولك يا حبي يا شام و لك شو عملوا فيا
صرنا نغنيلا عتابا و نتوجع فيا

لا تخافي يا بنت الرب حبك عهد عليا
و ان ما بقي غيري بأرضك حافر قبري فيا
واللي بدو يدوس أرضك ندفن جيشو فيا

هي لينا سوريا لينا وتعدو عليها و شوفوها مينا
و المخارز ما تقاومها العيونا إلا بسوريا بتقاوم العيونا
و راس يابس ما يهاب قنابل
وأنف شامخ ما يهاب مدافع
على كل حال We have قنابل
we have مدافع و حتى مصانع
عمرو لجنة و تعو شوفوها
عمرو لجنة إي و خروها
خوفتونا سكرتو السفارة آه يا ماما سكرو السفارة
إي Fuck to باسبور و Fuck to فيزا
بعمرك يا عمري ما تقاتل مجنونة
بالكرامة سوريا مجنونة
تحيا سوريا

منخبي بالقلب الجرح و منغني سوريا
و تنزل من العين الدمعة بس ما تدمع سوريا
و لك يا حبي يا شام و شو ما عملوا فيا
رح ترجع أحلى و أحلى طول ما نحنا فيا

لا تخافي يا بنت الرب حبك عهد عليا
و ان ما بقي غيري بأرضك حافر قبري فيا
واللي بدو يدوس أرضك ندفن جيشو فيا
تحيا سوريا

وطني مزلزل بالغضب


كلمات: اميل عبود
ألحان وتوزيع: كارو دردريان

وطني مزلزل بالغضب والحقد نيشان
دارة دوارة الزمن واحترقوا الاخوان
الظلم ع أرضي انكتب لعنة الزمان
صغروا اسمك سوريا وصرت كيان
مذهب وعشيرة وطائفة الله تعبان
صعبي صاير عالحصيرة والله ندمان
عصافير اللي كانوا فلو وتغير يلي كان
فلسطين لبنان العراق أه يا شام
وينك يا حلم مني وينك يا حلم مني وينك هربان
بلدي عم يتشلع وترابه عطر الدم
والشباب شنت سفر عباها الهم
جواز السفر مبلول بدموع الام
وأعراب تشبه بشر بعروقن يمشي السم
وينك يا حلم مني وينك يا حلم مني وينك هربان
رح نطوي هل ليل والصبح ما أجملك
نحن دولبنا للكون ارحف من أضلعك
التاريخ بينعاد انسى ما اذكرك
مقاومة بالعز وطني ما أروعك
وطني مزلزل بالغضب والقوة انسان
كتبت قطرات دمك جيشك صوان
وقفات عزك وطني اسمك عنوان
رح يبقى صوتك سوريا

اركض

كلمات: اميل عبود
اللحن مقتبس من أغنية غربية ” l.o.v.e ”
توزيع وإعداد موسيقي: كارو دردريان

بالعادة بتفيق بكير على صوت التفجير
اليوم في عنا تأخير وبالشغل شو بدو يصير

قهوة مرة نقشة وطرة شو هل غرة نسيت طير

عالباص بسرعة يالله يا دبوك تلحق بالله

شوفير متل المير متفرعن وحاطط غيير

بحاسب وبيشرب قهوة وبدخن ع شوي أرغيلة

ويبعت واتساب بيحكي فايبر ويخبرك عن التغيير

مو ناقص إلا يدبك ويغني ترشرش

وعلى الحاجز في عجقة كتير ويا دلي من المدير.

شوصاير بهل الباص عجقة ناس وريحة نفاس

مافي كاس ولشو التعتير لا كلام ولا سلام

شي بيتاوب شيب يعاتب ودائما خوف من التفجير

وعيون رايحة ولوين رايحين دولار يعلا وعم يطير

مين عرفان شو عم بصير ولشو هل تفكير

والست لويزة هي الجارة احلى وحدة بالحارة

على التووت في غارة

بحط إيدو يشيل إيدو

مفكر حالو فالنتينو اه يا تينو

هرج ومرج ودفش ودبج وصلت مشفى ولشو تغير

غلطة صغيرة ولشو التخدير

اوف من هل تفجير

اوف من هل التأخير

ألكلنا فلقة كبيرة ع بكير
وتووت اخت المدير.

رح تبقى بلدنا

كلمات : اميل عبود
ألحان وتوزيع: كارو دردريان

تحت القصف و قوة العصف إرهاب يفجر و هاون يدمر
أزيز رصاص دموع الناس و الإعلام حياتنا يمرمر
سعير النار و الدمار و بارومتر الدولار

بدنا نغني بدنا نرقص بدنا نمثل بدنا نفرح
بدنا ندافع عن وطننا بدنا نحيا بدنا نحاور
ما منساوم ما منساوم هيك منقاوم هيك منقاوم
و سوريا رح تبقى بلدنا

هيدا نحنا و ما تخوفنا هيدا نحنا و ما انهزمنا
أسامينا بتشبه بلدنا وفقة عز هي حياتنا
هيدا نحنا و ما تخوفنا هيدا نحنا و ما انهزمنا
أسامينا بتشبه بلدنا أبناء الحياة نحنا

ألوف سنين و نحنا صمدنا والتاريخ يشهد ع عطاءنا
و ان سألوا عن أرض الشمس
و ان سألوا عن أرض الحرف
و ان سألوا عن أرض الحب
منقلن هي سوريا منقلن هي سوريا
و سوريا رح تبقى بلدنا

بدنا نغني بدنا نرقص بدنا نمثل بدنا نفرح
بدنا ندافع عن وطننا بدنا نحيا بدنا نحاور
ما منساوم ما منساوم هيك منقاوم هيك منقاوم
و سوريا رح تبقى بلدنا.

طير الفينيق

كلمات : سامي سلوم و رامي الحمصي
ألحان: سامي سلوم و رامي الحمصي
توزيع : كارو دردريان

ممكن إتفجر ممكن كلشي يروح
بيتي يتدمر أحلامي تصير جروح
ممكن يتغير عمري و يتعتر
أوهامي تكبر و تصير تنوح
كنا نبقى مبسوطين نطلع نضحك بجنون
نشوف السياح كترانين بباب توما و قاسيون
نبقى بالشام سهرانين و الصبح عالبحر نكون
كانت سوريا تعني الحنين قبل ما يصير القتل جنون
ممكن إتفجر ممكن كلشي يروح
بيتي يتدمر أحلامي تصير جروح
ممكن يتغير عمري و يتعتر
أوهامي تكبر و تصير تنوح
صرنا بعصر الحواجز أوعى تنسى الهوية
دخلك مين اللي فايز كل واحد عندو قضية
و الشعب السوري جاهز يطلع من هالطائفية
ما عاد بدنا جنايز بدنا سوريانا قوية
سوريا عم تبكي ولادا يللي انتزعوا و قتلوا ولادا
لكن هي طير الفينيق ترجع تخلق من رمادا
و بلدي رح يعمر

سايكس – بيكو

كلمات وألحان: رامي الحمص
توزيع: كارو دردريان

بقولو خلصت صلاحيتو
قرن انتهى بفعاليتو
و صار بدا تقسيم جديد
نيو سايكس نيو بيكو.
قسمو الدار و علو سوار
و زرعو التار و ولعو النار
هجرو كتار و ماتو كتار
و صار الجار يكره الجار
عكل بيتين حطو مختار
حسبوك ع فلان و ما فيك تختار
شو ما صار ما منخلي بلدنا ينهار

بلا سايكس بلا بيكو بلدي راجعة جكرا فيكو

قرن جديد لعنا فايت
حطو شرايط ورا خرايط
شمو النفط و شمو الغاز
كلو هجم علينا فالت
سنة شيعة علوية
دروز و روم و كاتوليكية
والله بخاف نكون نسينا
شي طايفة بهالغنية
كرد و أرمن و آشورية
شركس و عرب و سريانية
ما بدنا هوية إلا السورية

بلا سايكس بلا بيكو بلدي راجعة جكرا فيكو

دمعة سوريا

كلمات و ألحان : رامي الحمصي
توزيع: كارو دردريان

دمعة سوريا حرقت ماضينا
نستنا إنو كنا يوما نتقاتل فيا
بين اللي معاكس و بين اللي ماشي
بين اللي معارض و بين اللي موالي
كلنا منرجع سوا نمشي
لما سوريا بتبكي
الوطن ما بموت
إلا لما الحب
اللي بين ولادو بموت
ضل هون ضل هون و ضلك عنا
لا لا تطلع منا لا تطلع يا حب
و قالوا و قالوا
و ياريتن كانوا قالوا
…. الله و سوريا و حب ..
و يا سنين اللي جاي يا سنين اللي مخباي
قولك رح نرجع نتلاقى
بالقهوة القديمة و بلا أحاديث عقيمة
هو دول ما بتفرق سمانا
و ياما تخاصمنا .. تقاتلنا ببلدنا
و ياما رجعنا توافقنا .. بتوافق زعماءنا
كيف لما تنزل دمعة و مش أي دمعة
دمعة سوريا حرقت ماضينا
نستنا إنو كنا يوما نتقاتل فيا
بين اللي معاكس و بين اللي ماشي
بين اللي معارض و بين اللي موالي
كلنا منرجع سوا نمشي
لما سوريا بتبكي.

زواج مدني

كلمات: كنان الزهير
ألحان: أغنية Beneath your Beautiful
توزيع: كارو دردريان

عم بشرب قهوة ع بكير شفت صورتك جنبي
تذكرت أيام حلوة كتير وقت كنت جنبي
فرقونا بإسم الدين قالوا نحنا مو لبعضنا
قالوا عنا مجانين عم نخالف مجتمعنا
اسمعوا يا ناس أنا بحبها
من دون مقياس شو ما كانت الطايفة تبعا
شو بصير لو مرة بهالزمان حبينا بعضنا
اسمعو يا ناس أنا بحبها من دون …
و أنا بحبك كتير يا حبيبي
ما يدرو أهلي إنك الزير ليدبحوني
بدن يجوزوني أي واحد المهم يكون من ديني
و أكيد إنت واحد كافر لأنك من غير ديني
اسمعوا يا ناس أنا بحبو
من دون مقياس شو ما كانت الطايفة تبعو
شو بصير لو مرة بهالزمان حبينا بعضنا
اسمعو يا ناس أنا بحبو من دون …

أرز وياسمين

كلمات وألحان: رامي الحمصي
توزيع: كارو دردريان

بيروت إني ..أرى بدمعك .. حزنا يقول .. قد ماتت أختي
شامي البريئة .. شامي الجريحة .. فكيف أمضي .. من دون قلبي
بيروت تبكي.. فهل جننت .. و هل تظني .. أتركك وحيدة
لا تخافي على الشام بيروت إني
لا أموت فالموت لا يخشى إلا مني
واقفة كالصرح لا يهزمني بشر
صامدة كالشمس أنا لا يحجبني قمر
فاشتدوا بأهل الشام .. فاشتدوا بأهل الشام
ما سجد الموت يوما سجد الموت للشام.
يا أرز إني .. إليك أهدي ..رسالة حب …كتبت بعطًرِ
ياسميني .. الذي يصلي … خوفا عليك.. من الظلام
بيروت أصغي .. صوت صباحي .. لا زال يعلو .. بفيروزنا
لا تخافي على الشام بيروت إني
لا أموت فالموت لا يخشى إلا مني
واقفة كالصرح لا يهزمني بشر
صامدة كالشمس أنا لا يحجبني قمر
فاشتدوا بأهل الشام .. فاشتدوا بأهل الشام
ما سجد الموت يوما سجد الموت للشام

بحبك سوريا

كلمات و إعداد : كنان الزهير – ساميا قضماني
توزيع : كارو دردريان
الالحان من أغنية “هاليلويا” ل “جيف باكلي”

فقت من النوم عصوت تفجير مدري وين مدري كيف
انشالله ما يكون مات عالم كتير
شعبي صار أقوى بكتير يا جبل ما يهزك ريح
سندويشة الفلافل صارت بتمانين

الوداع يا فلافل الوداع يا فلافل
بلدي كان من زمان مهد الحضارة و الأديان
علم العالم و بنى الإنسان
كنا عايشين بأمان رح ترجع هالأيام
و ترجعلك الضحكة يا شام

بترجع سوريا بترجع سوريا
مع كلشي صار و عم بصير بحبك سوريا إي كتير
مع إني عايش منتوف و فقير
أنا سوري و بحب أرضي و بدافع عنها بدمي
حتى لو كان آخر يوم بعمري
بحبك سوريا بحبك سوريا… بحبك سوريا

تحيا سوريا

كلمات وألحان: رامي الحمصي
توزيع: كارو دردريان

خبينا بالقلب الجرح و غنينا سوريا
و نزلت من العين الدمعة ما قدرنا نداريا
ولك يا حبي يا شام و لك شو عملوا فيا
صرنا نغنيلا عتابا و نتوجع فيا

لا تخافي يا بنت الرب حبك عهد عليا
و ان ما بقي غيري بأرضك حافر قبري فيا
واللي بدو يدوس أرضك ندفن جيشو فيا

هي لينا سوريا لينا وتعدو عليها و شوفوها مينا
و المخارز ما تقاومها العيونا إلا بسوريا بتقاوم العيونا
و راس يابس ما يهاب قنابل
وأنف شامخ ما يهاب مدافع
على كل حال We have قنابل
we have مدافع و حتى مصانع
عمرو لجنة و تعو شوفوها
عمرو لجنة إي و خروها
خوفتونا سكرتو السفارة آه يا ماما سكرو السفارة
إي Fuck to باسبور و Fuck to فيزا
بعمرك يا عمري ما تقاتل مجنونة
بالكرامة سوريا مجنونة
تحيا سوريا

منخبي بالقلب الجرح و منغني سوريا
و تنزل من العين الدمعة بس ما تدمع سوريا
و لك يا حبي يا شام و شو ما عملوا فيا
رح ترجع أحلى و أحلى طول ما نحنا فيا

لا تخافي يا بنت الرب حبك عهد عليا
و ان ما بقي غيري بأرضك حافر قبري فيا
واللي بدو يدوس أرضك ندفن جيشو فيا
تحيا سوريا